Fenomenismo - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Fenomenismo
- Do grego "phainomenon", (o que se mostra, o que aparece), co termo fenomenismo designamos toda posición filosófica que sostén que a realidade non ten existencia "en si mesma", que non é unha esencia subsistente, senón que se presenta só como algo que se dá no espazo e no tempo, ao que se denomina fenómeno. A esta posición adoitase tamén chamala fenomenalismo.
O fenomenismo ontolóxico foi defendido polos empiristas ingleses, especialmente por Berkeley, quen chega a negar a mesma realidade física das cousas, que queda reducida a "experiencia" ou conxunto de percepcións subxectivas. O fenomenismo gnoseolóxico foi defendido por Kant, quen rexeita a posibilidade de coñecer o que son as "cousas en si" mesmas, podendo o suxeito acceder só ao coñecemento dos fenómenos, do que a realidade é para nós.